پاکستان اپریشن ضرب عضب دے ذریعے انسداد دہشت گردی اچ کامیابی حاصل کیتی
اسلام آباد ۔ 15 نومبر (اے پی پی) وزےر دفاع انجینئر خرم دستگےر خان آکھیا ہے جو پاکستان اپریشن ضرب عضب دے ذریعے انسداد دہشت گردی اچ کامیابی حاصل کیتی ،پاکستان دی مسلح فوج تے قانون نافذ کرنڑ آلے اداریں ولوں تربیت تے اعلیٰ مہارت اقوام متحدہ سانگے موجود ہے جیرھا جو قیمتی وسائل دی حامل ہن ۔اے گالھ انہاں اقوام متحدہ دے انڈر سےکریٹری جنرل فیلڈ سروسز اتل کھارے نال ملا قات دے دوران آکھی۔ اے ملاقات انہاں وینکوور، کینیڈا اچ اقوام متحدہ دی دفاع اتے قےام امن دے وزارتی اجلاس دے موقع تے کیتی۔ وزےر دفاع انہاں کوں ڈسایا جو قیام امن اچ تریمت دی شمولیت اچ ودھارا کرنڑ سانگے وی پاکستان کامیابی نال کوشا ں ہے ۔اقوام متحدہ دے انڈر سےکریٹری جنرل اقوام متحدہ دے قےام امن اچ پاکستان دی تارےخی شراکت کو ںسراہیا جیرھا جو 1960ءتوں جاری ہے اتے ایں اچ 140 فوجےاں جاناں دی قربانی ڈتی ۔
