دہشت گردی دے خلاف جنگ اچ پاک فوج ،پولیس تے بئے سیکورٹی ادارے حصہ گھندے پن ،کہیں ہک سانگے انجھ رقم کائنی رکھی ویندی ،مخصوص خرچے متعلق پچھیا ونجے تاں جواب ڈتا ونج سگدے ،تفصیل دے نال رقم دے خرچ تھیونڑ بارے اچ ایں طرح دا حساب کتاب کائنی کیتا ویندا
اسلام آباد ۔ 10 نومبر (اے پی پی) وزیر مملکت تعلیم و تربیت بلیغ الرحمان آکھیا ہے جو دہشت گردی دے خلاف جنگ اچ پاک فوج ،پولیس تے بئے سیکورٹی ادارے حصہ گھندے پن ،کہیں ہک سانگے انجھ رقم کائنی رکھی ویندی ،مخصوص خرچے متعلق پچھیا ونجے تاں جواب ڈتا ونج سگدے ،تفصیل دے نال رقم دے خرچ تھیونڑ بارے اچ ایں طرح دا حساب کتاب کائنی کیتا ونج سگدا ۔جمعے کوں سوالاں دے وقفے دے دوران چیئرمین سینیٹ وزیر مملکت تعلیم و تربیت بلیغ الرحمان توں پچھیا جو دہشت گردی دے خلاف جنگ دے حوالے نال تھیونڑ آلے خرچے متعلق سوال دوا جواب وزارت خزانہ کیو نی ڈتا تاں وزیر مملکت ڈسایا جو دہشت گردی دے خلاف جنگ اچ پاک فوج ،پولیس تے قانون نافذ کرنڑ آلے ادارے حصہ گھندے پن ایں سلسلے اچ کہیں ہک سانگے رقم انجھ توں کائنی رکھی ویندی تاں جو ایندا مطلب اے کائنی جو ایندا ریکارڈ کائنی اگر کوئی مخصوص خرچے دے حوالے نال پچھیا ونجے تاں ولا ایندا جواب ڈتا ونج سگدا ہے تاں جو ایندی تفصیل دے نال رقم دے خرچ تھیونڑ بارے ایں طرح دے حساب کتاب کائنی کیتا ویندا ۔جیں تے کاوڑ دا اظہار کریندے ہوئیں چیئر مین سینیٹ سوال آندے اجلاس تئیں موخر کر ڈتا ۔وقفہ سوالاں دے دوران چیئر مین سینیٹ میاں رضا ربانی سیکر ٹری سینیٹ تے سینیٹ سیکر ٹریٹ کوں ہدایت کیتی جو وزیر تے وزارتاں دے سیکرٹریاں کوں تحریری طور تے ڈسایا ونجے جو ایوان دی کاروائی اچ حصہ نہ گھننڑ ایوان دی کاروائی اچ رکاوٹ پونڑ دے برابر ہے تے ایندی استحقاق دی کاروائی کیتی ونج سگدی ہے ،ایندے تے متعلقہ سیکر ٹریاں کوں استحقاق دا نوٹس ڈتا ونجے تے معاملہ استحقاق کمیٹی کوں کائناں بھیجا ویسی ،حکومت کوں وی سفارش کریساں سیکر ٹریاں کوں معطل کیتا ونجے یا اے سی آرز اچ ایں چیز کوں رلایا ونجے ۔
