اسلام آباد ۔ 17 نومبر (اے پی پی) وزیر مملکت تعلیم تے تربیت بلیغ الرحمان آکھیا جو باہرلے قرضے متعلق غلط اعداد و شمار پیش کیتے ویندے پن ، حکومتی اقدامات پاروں ملکی معیشت بہتر تھی ہے، جی ڈی پی دی شرح نمو اچ ودھارا تھیندا پے، امن و امان برقرار رکھنڑ تے کاروباری سرگرمیاں کوں ودھارا ڈیونڑ حکومت دی ذمے واری ہے، وڈی صنعت دی شرح اچ ترقی نال روزگار دے موقع ودھسن۔ انہاں ایں گالھ کوں جمعے کوں ایوان بالا اچ سینیٹر اعظم سواتی دی تحریک التواتے بحث سنبھیندیں ہوئیں آکھی ۔انہاں آکھیا جو باہرلے قرضے متعلق غلط اعداد شمار پیش کیتے ویندے پن ۔انہاں آکھیا جو ملکی معیشت ترقی کریندی پئی ہے شرح نمو اچ مسلسل ودھارا تھیندا پے ۔گزریل مالی سال دے دوران جی ڈی پی دی شرح نمو 5028فیصد رہی ہے ۔2017-18اچ ایں اچ مزید بہتری دا امکان ہے ،مالی خسارے اچ وی گھٹکی تھی ہے ۔
