وفاقی دار الحکومت دے 422تعلیمی اداریں اچ حفظان صحت ،پیونڑ دے صاف پانڑیں سمیت ہر ممکن سہولتاںڈتیاں ویندیاں پن ،ہتھ دھونڑ دا عالمی ڈینھ عملی طور تے نویں نسل کوں آگاہی ڈے تے منایا ویندا ہے ،وزیر مملکت طارق فضل چوہدری

اسلام آباد ۔ 14 نومبر (اے پی پی) وزیر مملکت کیپٹل ایڈمنسٹریشن اینڈ ڈویلپمنٹ ڈویژن (کیڈ) ڈاکٹر طارق فضل چوہدری آکھیا ہے جو وفاقی دار الحکومت دے 422تعلیمی اداریں اچ حفظان صحت ،پیونڑ دے صاف پانڑیں سمیت ہر ممکن سہولتاںڈتیاں ویندیاں پن ،ہتھ دھونڑ دا عالمی ڈینھ عملی طور تے نویں نسل کوں آگاہی ڈے تے منایا ویندا ہےصفائی متعلق اسلام تاں دنیا کوں بہوں کجھ سکھا ڈتا ہے جوصفائی نصف ایمان ہے ۔ او سنوار کوں اسلام آباد ماڈل گرلز کالج اچ ہتھ دھونڑ دے عالمی ڈینھ دی مناسبت نال صحت مند پروگرام دے تحت اساڈے ہتھ ‘اساڈا مستقبل دی تقریب توں خطاب کر یندے پے ہن ۔وزیر مملکت کیڈ ڈاکٹر طارق فضل چوہدری آکھیا جو موجود حکومت جتھاں ہر شعبے اچ محنت ‘لگن دے نال کم کریندی پئی ہے ‘ایں طرح تعلیم دے شعبے اچ وی اصلاحات پروگرام تے کم جاری ہے ‘ایں ضمن اچ طے شدہ اہداف حاصل کرنڑ اچ کامیاب رہیے ہن ۔انہاں آکھیا جو ابتدائی طور تے 22 سکولاں اچ مثالی ادارہ بنڑاونڑ دے پروگرام تے عمل کیتا گیا ہے ‘200 تعلیمی اداریں اچ وی ایں طرح کم جاری ہے ‘ تعلیمی اداریں اچ حفظان صحت تے توجہ ڈتی گی ہے ایندے نال نال سائنس لیبارٹری ‘ کمپیوٹر ٹیکنالوجی دی اپ گریڈیشن ‘ نویں واش رومز دی تعمیر دا کم جاری ہے ۔انہاں آکھیا جو وزیراعظم شاہد خاقان عباسی وی وزیراعظم ایجوکیشن ریفارمز پروگرام تے تکھے کم کریندے پن ۔انہاں آکھیا جو انہاں سارے عوامی ترقی ،فلاح دے کماں دے ثمرات آونڑ شروع تھی گے ہن ،2018دے الیکشن اچ عوام ووٹ دی صورت اچ ولا مسلم لیگ ن کوں کامیاب کریسی ۔انہاں آکھیا جو 2013دا پاکستان تے 2018دا پاکستان اچ زمین آسمان دا فرق ہوسی تے اے حقیقی تبدیلی تے ترقی دا سفر جیرھا جو مسلم لیگ ن دی حکومت 5سالاں دے دوران کامیابی نال طے کیتا ہے۔