اسلام آباد ۔ 15 نومبر (اے پی پی) وفاقی وزیر قومی صحت سائرہ افضل تارڑ بدھ دے ڈینھ ابوظہبی اچ حفاظتی ٹیکہ جات دے عالمی ادارے گاوی دے چیف ایگزیکٹو سیٹھ برکلے نال ملاقات کیتی۔ ملاقات اچ بالاں سانگے حفاظتی ٹیکہ جات دے پروگرام کوں بہتر بنڑاونڑ سانگے تجویز تے غور کیتا گیا ۔ وفاقی وزیر قومی صحت عالمی ادارہ حفاظتی ٹیکہ جات ولوں بالاں دے حفاظتی ٹیکیں دے پروگرام سانگے تعاون تے شکریہ اداکیتا۔ سائرہ افضل تارڑ ڈسایا جو پاکستان اچ 60 لکھ بالاں تے 60 لکھ حاملہ تریمتاں کوں حفاظتی ٹیکہ جات لاونڑ دا ہدف ہے ۔بالاں تے حاملہ تریمتاں تئیں رسائی کوں مزید بہتر بنڑاونڑ سانگے چنگے اقدامات کیتے ویندے پن ۔وفاقی وزیر آکھیا جو ٹیکہ جات دی ترسیل تے سٹوریج دے نظام کوں بہتر بنڑایا گیا ہے تے گزریل سال ایں کوں آئی ایس او ٹیکہ جات دے سربراہ گالھ مہاڑ کیتی ۔ایں موقع تے سیٹھ برکلے اپنڑے ادارے ولوں ہر ممکن تعاون دا یقین ڈیوایا۔ انہاں ماءبال دی صحت کوں بہتر بنڑاونڑ سانگے پاکستان وزارت قومی صحت اتے سائرہ افضل تارڑ دیاں کوششاں کوں سراہیا۔
