اسلام آباد ۔ 12نومبر (اے پی پی)وفاقی وزیر موسمیاتی تبدیلی سینیٹر مشاہد اللہ خان پارٹیز 23کانفرنس اچ شرکت کرنڑ آلے پاکستانی وفد دی سربراہی کریندے ہوئیں (اج) جرمنی دے شہر بون پج ویسن۔ وفاقی وزیر سینیٹر مشاہد اللہ خان پارٹیز دے نال تھیونڑ آلے معاہدے دے تحت پاکستان دیاں مختلف کامیابیاں تے پورے کیتے گے وعدے بارے ڈسا ڈیسن ۔اے کانفرنس 6نومبر توں شروع تھی ہئی تے 17نومبر تئیں جاری رہ ویسی ۔رکن ملکاں پارٹیز ،معاہدے تے خصوصا پیرس معاہدے تے تکھے عمل در آمد دی حکمت عملیاں بارے گالھ مہار کریندے پے ہن جڈاں جو پیرس معاہدہ امریکہ دے نکل ونجنڑ نال ایں معاہدے تے عمل در آمد تے پوونڑ آلے اثرات دا جائزہ گھننڑ ایجنڈے اچ شامل ہے ۔
