اسلام آباد ۔ 2 نومبر (اے پی پی) پائیدار ترقی دے اہداف سانگے صوبائی ٹاسک فورس اپنڑے اپنڑے صوبیںا چ صحت تعلیم تے پیونڑ دے صاف پانڑیں سمیت سارے گولز تے عمل در آمد تکھے کرنڑ تے صوبائی ٹاسک فورس کوں مزید فعال تے متحریک بنڑاونڑ دے عزم دا اعادہ کیتا ہے ،کے پی کے دے ٹاسک فورس کوں خصوصی کمیٹی دا درجہ ڈیونڑ تے ایس ڈی جیز دے فنڈ دا اجرا پارلیمنٹرین دے ذریعے کرنڑ دی قرار داد لاونڑ دا فیصلہ کیتا ہے ،پنجاب ٹاسک فورس ایس ڈی جیز گولز کوں مقامی سطح تے گھن گی ۔بلوچستان ٹاسک فورس تریمت متعلق 6اہداف کوں اپنڑی ترجیح اچ شامل کیتا ہویا ہے ۔خمیس کوں پاکستان انسٹی ٹیوٹ فار پارلیمنٹری سروسز اچ نالج شیئرنگ سانگے قومی پارلیمانی گول میز کانفرنس دا انعقاد کیتا ہے ۔کانفرنس دی صدارت وزیر مملکت اطلاعات ‘نشریات وقومی ورثہ اتے پائیدار ترقی دے اہداف تے پارلیمانی ٹاسک فورس دی چیئرپرسن مریم اورنگزیب کیتی ۔گول میز کانفرنس اچ بلوچستان ٹاسک فورس دی کنوونیئر تے سپیکر بلوچستان اسمبلی راحیلہ درانی ‘گلگت بلتستان ٹاسک فورس دے کنوینر و سپیکر جی بی اسمبلی فدا محمد نوشاد‘پنجاب ٹاسک فورس دی ممبر عظمیٰ زاہد بخاری ‘کے پی کے ٹاسک فورس دے ممبر اتے آزاد کشمیر ٹاسک فورس دے ایم ایل ایزشریک ہن۔سپیکر بلوچستان اسمبلی تے کنوونیئر صوبائی ٹاسک فورس راحیلہ درانی آکھیا جو بلوچستان اچ صوبائی ٹاسک فورس دے ممبر دلچسپی گھننڑ تے ارکان اسمبلی کوں ساریں توں پہلے پائیدار ترقی دے اہداف متعلق تربیت ڈتی گی ۔پنجاب ٹاسک فورس دی کنوونیئر عظمی زاہد بخاری آکھیا جو صوبائی ٹاسک فورس ایس ڈی جیز دے حوالے نال 6سرگرمیاں منعقد کیتیاں ہن ۔ابتدائی طور تے صوبائی ٹاسک فورس دے 15ممبر ہن جیرھے جو ہنڑ 30تھی گے ہن ۔پلاننگ اینڈ ڈویلپمنٹ شعبے اچ ایس ڈی جی یونٹ وی قائم کیتا گیا ہے ۔ ایگزیکٹو ڈائریکٹر پیپس ظفر اللہ خان آکھیا جو این ایف سی تے چھی مہینے بعد اجلاس تھیندا ہے لیکن ایندے تے بحث سینیٹ اچ تھیندی ہے ۔ریو نیو دا شعبہ صوبیں کوں ملنڑ دے بعد ایف بی آر ترائے گنا ودھ ٹیکس کٹھے کیتے ہن انہاں شعبے تے وی صوبے توجہ ڈے تے بہتر نتیجے حاصل کر سگدے ہن ۔
