اسلام آباد ۔ 21 نومبر (اے پی پی) وفاقی وزیر انسانی حقوق ممتاز احمد تارڑ آکھیا ہے جو وزارت انسانی حقوق وفاقی دارالحکومت دی سطح تے بالاں دے حقوق دے تحفظ سانگے اسلام آباد کیپٹل ٹیریٹری چائلڈ پروٹیکشن بل 2017دا مسودہ تیار کیتا ہے ،ایندے علاوہ جوینائل جسٹس سسٹم بل 2017دامسودہ وی قومی اتے صوبائی متعلقین دی مشاورت دے نال تیار کیتا گیا ہے تاں جو بالاں کوں قانونی ماحول ڈتا ونج سگے ۔ منگل کوں جاری بیان اچ وفاقی وزیر آکھیا جو پاکستان بالاں دے حقوق دے تحفظ کوں یقینی بنڑاونڑ سانگے پر عزم ہے ،پاکستان جنوبی ایشیا اچ بالاں دی فلاح بہبود کوں ودھارا ڈیونڑ ،تریمت دی اسمگلنگ تے بالاں نال زیادتی دے واقعات کوں روکنڑ دے حوالے نال سارک کنونشن دا حصہ ہے ۔
