پاکستان دہشت گردی دی لعنت دے خاتمے سانگے ریاست ولوں مربوط کوشش تے نیڑے تعاون تے یقین رکھیندا ہے ،ترجمان دفتر خارجہ
اسلام آباد ۔ یکم نومبر (اے پی پی) پاکستان کابل دے سفارتی علاقے اچ خود کش حملے دی ودھ ساری مذمت کریندے ہوئیں دہشت گردی دی لعنت دے خلاف جنگ اچ افغان حکومت تے عوام نال یکجہتی دا اظہار کیتا ہے ۔بدھ کون ترجمان دفتر خارجہ ولوں جاری بیان دے مطابق پاکستان دہشت گردی دی ایں کاروائی اچ قیمتی جاناں دے ضیان تے ودھ سارے ڈکھ دا اظہار کریندے ہوئیں ڈکھی ٹبراں نال دلی تعزیت تے زخمیاں دی وختی چنگی صحت سانگے دعا کیتی ۔پاکستان ہر قسم دی دہشت گردی دی ڈو ٹوک مذمت دا اعادہ کریندے ہوئیں دہشت گردی دی لعنت دے خلاف جنگ اچ افغان حکومت تے عوام نال یکجہتی دا اظہار کیتا ہے ۔بیان اچ آکھیا گیا ہے جو پاکستان دہشت گردی دے خاتمے سانگے ریاستاں ولوں مربوط کوشش تے نیڑے تعاو ن تے یقین رکھیندے ۔
