اسلام آباد ۔ 04 نومبر (اے پی پی) محکمہ موسمیات پنجاب دے میدانی علاقیں اچ سویل/رات دے ویلھے کوہیڑ /اسموگ دا سلسلہ جاری رہنڑ دا امکان ظاہر کیتا ہے جڈاں جو ملتان، بہاولپور، سرگودھا، ساہیوال، لاہور، فیصل آباد ڈویژن تے ضلع رحیم یار خان دیاں چارے تحصیلاں خانپور ،لیاقت پور ،تحصیل رحیم یار خان سمیت صادق آباد اچ وی ودھ ساری کوہیڑ دی پیش گوئی کیتی ہے ۔ہفتے کوں محکمہ موسمیات دی جاری رپورٹ دے مطابق آندے 24گھنٹے دے دوران ملک دے ودھ سارے علاقیں اچ موسم رکھا رہ ویسی ۔جڈاں جو پنجاب دے میدانی علاقے وی کوہیڑ دی وکیڑ اچ رہیے ۔ہفتے کوں ریکارڈ کیتی گی ملک دی ٹھڈی ترین جاہ دے درجہ حرارت سکردو منفی 03، گلگت اچ 00 ڈگری سینٹی گریڈ ریکارڈ کیتا گیا ۔
