اسلام آباد ۔ 14 نومبر (اے پی پی) وفاقی وزیر وفاقی تعلیم تے پیشہ وارانہ تربیت انجینئر بلیغ الرحمان آکھیا ہے جو پہلی واری ملکی تے غیر ملکی ماہرین ،صوبیں کوں کٹھا کرتے پہلی توں پنجویں تئیں دا نصاب تیار کر گھدا ہے ،نواں نصاب کتاباں دی شکل اچ منتقلی دا عمل وی وختی شروع تھی ویسی ،تعلیم دے شعبے اچ مثالی بہتری نال ترائے سالاں دے دوران 40لکھ توں ودھ طالب علماں تے طالبات دی انرولمنٹ تھی ہے ،وزارت تعلیم اچ وی ایس ڈی جیز سیل قائم کر ڈتا گیا ہے ،اسلام آباد دے تعلیمی اداریں اچ 100فیصد ٹوائلٹ موجود ہن ،12توں 14ماڈل ٹوائلٹ بنڑائے ویندے پن ۔او سنوار کوں اسلام آباد ماڈل گرلز کالج اچ ہتھ دھونڑ دے عالمی ڈینھ دی مناسبت نال صحت مند پروگرام دے تحت اساڈے ہتھ ،اساڈا مستقبل دی تقریب توں خطاب کریندے پے ہن ۔تقریب توں خطاب کریندے ہوئیں وفاقی وزیر انجینئر بلیغ الرحمان آکھیا جو اج اساں عہد کیتا ہے جو ہتھ دھو تے اپنڑے معاشرے دی صحت سانگے پیغام گھن تے اگی پجا ڈیسوں۔انہاں آکھیا جو نصاب سازی سانگے پہلی واری ملکی تے غیر ملکی ماہرین ،صوبیں کوں کٹھا کرتے پہلی توںپنجویں تئیں سانگے نصاب تیار کر گھدا گیا ہے ۔
