اسلام آباد ۔ 03 نومبر (اے پی پی) ایوان بالا کوں ڈسایا گیا جو پی آئی اے مختلف روٹس تے اپنڑے نیٹ ورک دا جائزہ گھننڑ سانگے قومی ضروریات کوں سامنڑے رکھیندی ہے ،خسارے دی وجہ توں کجھ روٹس بند کرنڑے پمدن ۔جمعے کوں ایوان بالا اچ سوالاں دے وقفے دے دوران سینیٹر سراج الحق دے سوال دے جواب اچ وزیر انچارج ہوا بازی ڈویژن شیخ آفتاب ڈسایا جوپی آئی اے اپنڑے روٹاں تے نیٹ ورک دا جائزہ گھننڑ سانگے قومی ضروریات کوں پیش نظر رکھیندی ہے تے خسارے اچ چلنڑ آلے روٹ بند جڈاں جو منافع آلے کھول ڈتے ویندن تے انہاں تے اضافی پر واز چلائی ویندی ہے ۔روٹس بند کرنڑ دی بنیادی وجہ خسارہ ہے جیں دی وجہ توں پرانڑیں اے 310ہوائی جہاز ہن جیرھے جو ایندھن خرچ کریندے ہن تے بہوں مہانگے چلدن ۔
