اسلام آباد ۔ 23 نومبر (اے پی پی) قومی احتساب بیورو (نیب) دے چیئرمین جسٹس (ر) جاوید اقبال بلوچستان دے کوٹہ تے وفاقی حکومتاں دے مختلف محکمے اچ بلوچستان دے مبینہ طور تے نقلی ڈومیسائل تے بھرتیاں متعلق رپورٹس دا نوٹس گھندے ہوئیںوفاقی سیکریٹری اسٹیبلشمنٹ توں بلوچستان دے ڈومیسائل تے بھرتی تھیونڑ آلے افسراں تے ہلکاراں دی رپورٹ منگ گھدی ہے تاں جو نقلی ڈومیسائل دے اجرا بارے اچ مزید تحقیقات کیتیاں ونج سگن جیرھا جو انہاں دی ذمے واری دا تعین کرنڑ سانگے ضروری ہے ۔ چیئرمین نیب جسٹس (ر) جاوید اقبال سیکریٹری اسٹیبلشمنٹ توں آغاز حقوق بلوچستان پیکیج دے تحت وفاقی حکومت دے مختلف محکمے اچ بھرتی تھیونڑ آلے افسراں تے اہلکاراں دی وی رپورٹ منگ گھدی ہے جو آغاز حقوق بلوچستان پیکیج دے تحت وفاق اتے صوبہ بلوچستان اچ کتنی آسامیاں تے بھرتی دی منظوری ڈتی گی ۔ کتنے لوکاں وفاق تے صوبہ بلوچستان اچ تعینات کیتے گن تے کتنی آسامیاں ہنڑ تئیں خالی ہن تے خالی اسامیاں تے آغاز حقوق بلوچستان پیکیج دے تحت حالی تئیں بھرتیاںکیوں نی کیتیاں گیاں ۔
