اسلام آباد ۔ 26 نومبر (اے پی پی) ڈی ایٹ ملکاں دے شہری ہوابازی دے سربراہواں دی ڈو ڈینھ واری کانفرنس اج توں اسلام آباد اچ شروع تھیندی پئی اے۔کانفرنس اچ ڈی ایٹ ملکاں کوں درپیش شہری ہوابازی دے مسئلے اتے اوندے شعبہ اچ مستقبل اچ تعاون دے امکانات اتے چیلنجاں تے بحث کیتی ویسی۔ایوی ایشن بارے وزیراعظم دے مشیر سردار مہتاب عباس کانفرنس دا افتتاح کریسن۔۔کانفرنس اچ بنگلہ دیش ،مصر، انڈونیشیا، ایران، ملائیشیا، نائجیریا، پاکستان اتے ترکی سمیت D-8 ملکاں دے شہری ہوابازی دے سربراہ شریک تھیسن۔
