کجھ لوکاں دی کوشش ہے جو حکومت اپنڑی مدت پوری نہ کرے انہاں دی اے کوشش کامیاب کائناں تھیسی ،ادارے رل تے جمہوریت کوں مضبوط کر سگدے ہن ،وفاقی وزیر خواجہ سعد رفیق

اسلام آباد ۔ 15 نومبر (اے پی پی) مسلم لیگ (ن) دے رہنما تے وفاقی وزیر ریلوے سعد رفیق آکھیا جو سیاسی جماعتاں کوں بھن تروڑ دا کم تھیندا پے ،کجھ لوکاں دی کوشش ہے جو حکومت اپنڑی مدت پوری نہ کرے انہاں دی اے کوشش کامیاب کائنی تھیسی ۔ہر حکومت اپنڑی مدت پوری کریندی ہے کیوںجو عوام توں ووٹ گھن تے آندی ہے ،ادارے رل تے جمہوریت کوں پکا کر سگدے ہن صرف ہک ہی طبقہ جمہوریت کوں مضبوط نی کر سگدا ،ایں سارے عمل اچ جمہوریت دا ضیان تھیندا پے ۔بدھ کوں احتساب عدالت دے باہروں میڈیا نال گالھ مہاڑ کریندے ہوئیںانہاں آکھیا جو عمران کان ساڑ،حسد دی بیمار ی دا شکار ہن ۔ایں سوال دا بحیثیت سیاسی کارکن پاکستان اچ اج کل جیں قسم دا سیاسی ماحول پید ا تھیا ہے اینکوں کیرھی نظر نال ڈیکھدو تے کیا پاکستان اچ ایں قسم دے سیاسی ماحول دا متحمل تھی سگدا ہے تے وفاقی وزیر آکھیا جو سیاسی ماحول چنگاں کائنی جڈاں سیاسی جماعتاں آپت اچ لڑسن تے خاص طور تے غیر ضروری مسلیں تے لڑائی کیتی ویسی تاں غیر جمہوری حکومتاں ،غیر جمہوری عناصر تے غیر جمہوری سوچ کوں موقع ملدا ہے ۔