کل پاکستان نعت خوانی مقابلے، قرآن و سنت دے خلاف قانون سازی آئین اچ کوئی گنجائش کائنی،وفاقی وزیر مذہبی امور

اسلام آباد ۔ 29 نومبر (اے پی پی) عید میلاد النبی دیاں تقریباں دے حوالے نال بدھ کو ریڈیو پاکستان اسلام آباداچ کل پاکستان نعت خوانی مقابلے تھین جیہڑے ریڈیو پاکستان اتے پاکستان ٹیلی ویژن ولوں کرائے گین۔ ایں موقعے تے وفاقی وزیر برائے مذہبی امور سردارمحمد یوسف مہمان خاص ہن جڈاں جو وزیر مملکت برائے اطلاعات و نشریات وی تقریب اچ شرکت کیتی۔آپنڑے خطاب اچ وزیر مذہبی امور سردارمحمد یوسف آکھیے جو پاکستان اچ قرآن و سنت دے خلاف کوئی قانون سازی نئیں کیتی ونج سگدی، آئین اچ ایندی کوئی گنجائش کائنی۔ وفاقی وزیرآکھیے جو اے ساڈی نویکلی اتے کٹھی ذمہ واری اے جو اساں پاکستان کوں امن دا تھمبا بنڑاونڑ کیتے کم کروں۔انہاں آکھیے جو حضرت محمدﷺدیاں تعلیمات تے پورا پورا عمل کرتے ہی اساں ایں مقصد تئیں پج سگدے ہیں۔ وفاقی وزیرآکھیے جو عید میلاد النبی دے حوالے نا ل وزارت مذہبی امورجناح کنونشن سنٹر اسلام آباداچ گرینڈ نیشنل سیرت کانفرنس کرویسی جیندے اچ مقامی اتے غیر ملکی وفد وی حصہ گھنسن۔تقریب دےاخیر اچ سردار محمد یوسف مقابلے جیتنڑ آلیاں کوں انعام ونڈین۔ نعت خوانی دی پہلی کیٹٹیگری اچ 15 سال توں گھٹ عمر دے نعت خواناں اچوں سندھ دے نعت خواں مینام پہلا انعام جیتئے۔چھوریں اچ آزاد جموں کشمیردی بدیحہ شہوارڈوجھی پوزیشن گھدی۔تریجھی کیٹیگری اچ 25سال توں گھٹ عمر دے سندھ دے نینگر حسن علی پہلی پوزیشن گھدی ت، چوتھی کیٹیگری اچ اسلام آباددکی نور فاطمہ پہلی پوزیشن گھدی ۔ پہلی پوزیشن گھنڑ آلیاں کو ں50ہزار نقد انعام اتے ہک گولڈ میڈل عبدالرحمن فاﺅنڈیشن ولوں ڈتا گئے۔ ڈوجھی پوزیشن تے آونڑ آلیاں کوں 40ہزار اتے تریجھی پوزیشن آلیاں کوں 30ہزار روپے جڈاں جو نعت خوانی اچ حصہ گھنڑ آلے بئے نعت خواناں کوں 25، 25ہزار روپے ڈتے گین۔