ایرانی خبر رساں ایجنسی دے بیورو چیف سید بہادرحسینی دی ایم ڈی اے پی پی مسعود ملک نال ملاقات،ڈو پاسہ تعلقات کوں ودھاونڑ بارے گالھ مہاڑ

سلام آباد ۔ 29 دسمبر (اے پی پی) وفاقی دارلحکومت اسلام آباد اچ ایران دی سرکاری خبر رساں ایجنسی (ارنا)دے بیورو چیف سید بہادرحسینی جمعہ کوں ایسوسی ایٹڈ پریس آف پاکستان (اے پی پی) دے منیجنگ ڈائریکٹر مسعود ملک نال ملاقات کیتی جئیں اچ اتفاق کیتا گئیا جو خبراں دے تبادلے اتے ذرائع ابلاغ دے شعبہ اچ تعاون دے ودھارے نال ڈوہیں برادر اسلامی ملکاں اچ آپسی تعلقات کوں ودھارا ملسی ۔ ایرانی سرکاری خبررساں ادارے ارنا دے بیوروچیف بہادر حسینی تہران اچ ارنا دے صدر دفتردا دورہ کرنڑ دی دعوت ڈیونڑ سانگےاے پی پی کے منیجنگ ڈائریکٹرنال ملاقات کیتی جئیں اچ ڈو پاسہ تعلقات کوں ودھاونڑ بارے گالھ مہاڑ کیتی گئی۔