سعودی شوریٰ دی وزارت حج و عمرہ کوں منیٰ اچ خیمیاں دی گنجائش ودھاونڑ دی ہدایت

ریاض ۔ 27 دسمبر (اے پی پی) سعودی ارکان شوریٰ سالانہ رپورٹ تے بحث دے دوران وزارت حج و عمرہ تے تنقید کریندے ہوئیں آکھیے جو وزارت خزانہ توں 25 ملین ریال گھنڑدے باوجود25 سالہ حکمت عملی تے کم تھئے نہ ڈو سالاں توں اینجھے کوئی اقدامات نظر آئن۔ ویب سائٹ کوں جدید خطوط تے جاری نہ کرنڑ اتے اہم زباناں اچ اطلاعات نہ دیونڑ تے وی برہمی دا اظہارکیتا گئے۔وزارت دے اہلکار سوشل میڈیا توں غائب ہن، جدہ ایئرپورٹ دے استقبالیہ تے عازمین حج کوں مکہ روانگی کیتے گھنٹے گھنٹے کیوں روکیا ویندے؟ارکان شوریٰ آکھیے جو تاریخی اسلامی مقامات تے امن و سلامتی، صحت و صفائی دے انٹطامات تے کوئی توجہ کائنی۔ وزارت حج اتے عمرہ متعلقہ اقدامات یقینی بنڑاونڑ اتے خاص کر منیٰ اچ حاجیاں دے خیمیاں دی گنجائش ودھاونڑ تے توجہ ڈتی ونجے۔