ملک ترقی دی راے تے اتے جمہوریت متحرک اے، وزیراعظم شاہد خاقان عباسی

اسلام آباد ۔ 27 دسمبر (اے پی پی) وزیراعظم شاہد خاقان عباسی آکھیے جو ایں ویلھے ملک ترقی دی راہ تے ہے اتے جمہوریت متحرک اے،کیڈٹ کالج حسن ابدال نظم و ضبط دی اعلیٰ مثال اے جیندے طالبعلم علم ملک دے مستقبل دی سیاسی، عسکری، صنعتی اتے ہر شعبہ دی قیادت ہن۔ کیڈٹ کالج حسن ابدال اچ یوم والدین دی سالانہ تقریب نال خطاب اچ وزیر اعظم شاہد خاقان عباسی کیڈٹ کالج حسن ابدال اچ تعلیم دا معیار برقرار رکھنڑ کیتے تدریسی خدمات تے فیکلٹی ممبران کیتے انڈومنٹ فنڈ دے 2 کروڑ روپے ڈیونڑ دا اعلان کیتے۔ انہاں کیڈٹ کالج دے اعلیی تعلیمی معیار،روایات اتے پیشہ ورانہ صلاحیتاں دی تعریف کیتی اتے آکھیے جوکیڈٹ کالج حسن ابدال مستقبل دی قیادت پیدا کریندا پئے۔حکومت پنجاب دے نال نال وفاقی حکومت وی کیڈٹ کالج حسن ابدال کیتے اپنڑے حصے دا کردار ادا کریسی، سرکاری شعبہ دے ترقیاتی پروگرام اچ وی فنڈز رکھیے ویسن۔ایں موقعے تے وزیراعظم پوزیشن گھنڑ آلے طالبعلماں اچ ٹرافیاں اتے سنداں ونڈین۔ایں توں پہلے کالج پجنر تے وزیراعظم دا شاندار استقبال کیتا گئے۔کالج دے طلبا دے ہک دستے انہاں کوں گارڈ آف آنر ڈتے۔وزیراعظم پریڈ دا معائنہ کیتے، پی ٹی شواتے جمناسٹک دے مظاہرے ڈٹھن۔