آکلینڈ۔ 21 دسمبر (اے پی پی) آئی سی سی انڈر 19 ورلڈ کپ 13 جنوری توں نیوزی لینڈ اچ شروع تھیسی۔ میگا ایونٹ اچ 16 ٹیماں کھیڈسن جنہاں کوں چار گروپاں اچ ونڈیا گئے۔ گروپ اے اچ نیوزی لینڈ، ویسٹ انڈیز، جنوبی افریقہ اتے کینیا۔ گروپ بی اچ آسٹریلیا، بھارت، زمبابوے اتے پاپوا نیو گنی۔ گروپ سی اچ انگلینڈ، نمیبیا، بنگلہ دیش اتے کینیڈاجڈاں جو گروپ ڈی اچ پاکستان، افغانستان، آئرلینڈ، سری لنکا شامل ہین۔ ہر ٹیم ترائے گروپ میچ کھیڈسی۔ چارے گروپاں اچوں ڈو ڈو ٹاپ ٹیماں کوارٹر فائنل اچ کوالیفائی کریسن۔ٹورنامنٹ دا فائنل 3 فروری کوں کھیڈیا ویسی۔
