اسلام آباد ۔ 22 دسمبر (اے پی پی) تین روزہ سپیکرزکانفرنس سبھائیں چھنڑ چھنڑ توں اسلام آباد اچ شروع تھیسی۔خطے اچ امن وخوشحالی، باہمی رابطیاں کون ودھاونڑ، دہشتگردی مکاونڑ کیتے پارلیمانی سطح تے گالھ مہاڑ اے ۔ قومی اسمبلی سیکرٹریٹ دی میزبانی اچ سپیکرز کانفرنس اچ پاکستان، ایران، چین، روس، افغانستان اتے تر کی دے سپیکرز پارلیمانی وفودنال شرکت کریسن۔کانفرنس دا مقصد انہاں 6 ملکاں نال مشترکہ سماجی اتے معاشی مفادات دی نشان دہی ، خطے دی تر قی اتے باہمی رابطیاں دے ودھارے کیتے سوچ وچار کرنڑ اے۔ایندے نال خطے دی سلامتی اتے استحکام دے نال نال پائیدار امن، معاشی تر قی اتے خوشحالی کیتے ہتھ ونڈاونڑ دا موقع ملسی۔کانفرنس اچ شریک ملکاں دے سپیکرزکوں دہشتگردی مُکاونڑ ، امن اتے آپسی تعاون ودھاونڑ کیتے کٹھا لائحہ عمل ترتیب ڈیونڑ دا موقع ملسی۔
