اقامہ گم تھیونڑ،ولا بنڑاونڑ کیتے 5 سو ریال گھدے ویسن، سعودی محکمہ جوازات

ریاض ۔ 27 دسمبر (اے پی پی) سعودی محکمہ پاسپورٹ واضح کیتے جیکر کہیں دا اقامہ کارڈ گم تھیا تاں نواں بنڑاونڑ کیتے اوکوں پنج سو ریال ڈیونڑے پوسن۔ایندے نال نویں اقامے کیتے متعلقہ پولیس سٹیشن رپورٹ، آجر یا خاندان دے سربراہ دا خط، پاسپورٹ اتے اقامے دی فوٹو کاپی نال لاونڑی ہوسی۔ محکمہ پاسپورٹ موجب گمشدہ اقامے دا فارم بھرنڑدے نال نال ، گمشدگی دی وجہ اتے جائے گمشدگی وی ڈساونڑی ہوسی۔متبادل اقامہ کارڈکڈھاونڑ کیتے متعلقہ فارم پر کرتے ایندے تے آجر دے دستخط اتے مہر لاونڑی ہوسی۔متعلقہ بندے دے فنگر پرنٹس وی گھدے ویسن۔اقامہ گم ہوونڑ دی صورت اچ پنج سو یا ہک ہزار ریال وی وصول کیتے ویسن۔