الیکشن کمیشن ووٹر فہرستاں اچ رجسٹریشن فرق مٹاونڑ کیتے ضلعی آگاہی کمیٹیاں بنڑاڈتین

اسلام آباد ۔ 13 دسمبر (اے پی پی) الیکشن کمیشن ووٹر فہرستاں اچ تریمتیں اتے جواناں دی رجسٹریشن دا فرق مٹاونڑ کیتے ضلعی سطح تے کمیٹیاں بنڑا ڈتین۔ قومی اسمبلی کوں وزارت پارلیمانی امور ولوں تحریری بیان اچ ڈسایا گئے جو الیکشن کمیشن تریمتیں دے اندراج دی مہم شروع کرڈتی اے۔ مہم دے تحت اٹھ لکھ 80 ہزارتریمتیں کوں قومی شناختی کارڈ دی فراہمی اتے انہاں دی بطور ووٹر رجسٹریشن کرائی ویسی۔ ایں توں علاوہ ضلعی سطح تے آگاہی کمیٹیاں قائم کیتیاں گین جیندے اگوانڑی ضلعی الیکشن کمشنر کریسی اتے ایندے اچ ضلعی حکومت اتے سول سوسائٹی دیاں تنظیماں دے اٹھ اٹھ رکن شامل ہوسن۔