اپنڑے رویاں کوں قائد اعظم دے افکار موجب ڈھالنڑا ہوسی، عرفان صدیقی

اسلام آباد ۔ 23 دسمبر (اے پی پی) وزیراعظم دے مشیر برائے قومی تاریخ وادبی ورثہ عرفان صدیقی آکھیے جو بانی پاکستان قائداعظم محمد علی جناح انگریز اتے ہندو سامراج دے خلاف پرامن، مہذب اندازاچ اصولاں اتے نظریات دی جنگ جیتی۔ساکوں وی اپنڑے نظریات کوں قائد دے اصولاں دے مطابق ڈھالنڑے ہوسن۔بابائے قوم دے جمنڑ ڈینہہ دے حوالے نال تقریب نال خطاب اتے صحافیان نال گالھ مہاڑ اچ عرفان صدیقی آکھیے جو قائداعظم دی ھیاتی دا ہک ہک لمحہ ساڈے کیتے منزل دی نشانی اے،اساں اینجھے رہنما دی وراثت سنبھالنڑی اے جیں مضبوط اصولاں تے چلدے ہوئے تحریک چلائی جیہڑی ااپنڑی منزل کوں پجی، ساکوں ذمہ داری دے احساس نال آزادی دی حفاظت کرنڑی اے۔عرفان صدیقی آکھیے جو قائد اعظم کون ڈیکھ کے پتا لگدے جو لیڈر کیویں ہوونڑا چاہیدے۔انہاں نینگراں کوں آکھیے جو او علامہ اقبال اتے قائداعظم دے فرمان دے مطابق تعلمی تے توجہ ڈیون، اپنڑیاں ذمہ داریاں سمجھدے ہوئیں مستقبل دی راہ چنڑن تاں جو او بابائے قوم دے خواب دی تعبیر بنڑ سگن۔انہاں خاکے، ملی نغمے اتے تقاریر اچ چنگی کارکردگی ڈکھاونڑ تے انعام اتے سنداں وی ونڈین۔