ایران امریکا نال جوہری مذاکرات نہ کریسی، ادارہ قومی جوہری توانائی ادارہ

تہران ۔ 22 دسمبر (اے پی پی) ایران دے قومی ادارہ برائے جوہری توانائی دے ترجمان بہروز کمالوندی آکھیے جو ایران جوہری مسئلے اتے اپنڑی خود مختاری بارے امریکانال مذاکرات نہ کریسی۔اے گالھ انہاں ایرانی خبر رساں ادارے شنوا کوں ہک انٹرویو اچ آکھی اے۔ انہاں آکھیے جو ایران اتے عالمی طاقتاں وچال2015 اچ ایٹی سمجھوتے تے ہک معاہدہ تھیا ہئی جیہڑا لمبے مذاکرات اتے مشورے دا نتیجہ اے ایندے کیتے ہر کہیں کوں کم کرنڑا ہوسی۔معاہدے دے مغربی فریق ایندی تعمیل یقینی بنڑاون اتے امریکا وی اپنڑا کردار ادا کریندے ہوئیں توسیع پسندی توں پاسا کرے۔انہاں خبردار کیتے جیکر امریکہ ایران مخالف پابندیاں لاونڑ دی کوشش کیتی تاں ایران وی ایندا چنگاں جواب ڈیسی۔