ترائے ملکی انڈر 19 کرکٹ سیریز، انگلینڈ جنوبی افریقہ کوں 8 وکٹاں توں ہراڈتے

جوہانسبرگ۔ 08 دسمبر (اے پی پی)ترائے ملکی انڈر 19 کرکٹ سیریزدے اخیری میچ اچ انگلینڈ جنوبی افریقہ کوں 8 وکٹاں توں ہرا ڈتے۔جنوبی افریقہ انڈر 19 پہلے کھیڈدے ہوئیں 50 اووراں اچ 9 وکٹاں دے نقصان تے 248 رنزبنڑائین۔ میتھیو بریٹ شاندار 101 رنزبنڑائین ۔ ول جیکس اتے جیک پام ترائے ترائے وکٹاں گھدین۔جواب اچ انگلینڈ انڈر 19 اے ہدف 41.1 اووراں اچ 2 وکٹاں دے نقصان تے پورا کرگھدے۔ ٹام بینٹن 74 رنز بنڑائین۔ ول جیکس 71 اتے ہیری بروک 63 رنزبنڑائین۔ول جیکس کوں شاندار آل راﺅنڈ کارکردگی تے میچ دا چنگاں کھیڈاری قرار ڈتاگئے۔