تہران اچ زلزلے دے جھٹکے، ریکٹر سکیل تے شدت 5.2ریکارڈ

تہران ۔ 21 دسمبر (اے پی پی) ایران اچ بدھ اتے خمیس دی وچلی رت شہر تہران، قزوین، قم اتے اراک اچ ریکٹر سکیل تے 5.2 زلزلہ دے جھٹکے محسوس کیتے گن۔ ایرانی ذرائع ابلاغ موجب زلزلے پاروں لوکاں اچ ڈر بہہ گئے اتے او گھراں اچوں نکل تے باہرو آگن۔ شہر تہران اچ عوام دے سوکھ کیتے سپورٹس کمپلکس کھول ڈتے گن ےتاں جو لوک اتھاں رہ سگن۔ ایران دے جیولوجیکل سنٹردے مطابق زلزلہ دا مرکز صوبہ تہران اتے البرزوچال ہا۔حالی تئیں زلزلے پاروں کہین جانی اتے مالی نقصان دی اطلاع نئیں ملی جڈاں جو متاثرہ علاقیان اچ امدادی کم جاری ہین۔