لاہور۔22 دسمبر(اے پی پی )محکمہ زراعت پنجاب جنوبی پنجاب اچ پنڈ دی وادی بنڑاونڑ دے منصوبے تے کم شروع کرڈتے۔منصوبے دے تحت سیکڑاں ایکڑ تے خجی رہائی ونج سگسی اتے اعلیٰ معیار دی پنڈ برآمد کیتی ویسی۔ملک اچ پنڈ دی پیداوارسالانہ ساڈھے 5لکھ ٹن تون ودھ گئی اے جیندے نال سالانہ 30کروڑ ڈالر زرمبادلہ تھیندے۔بہتر انتظامی خدمات اتے سہولتاں پاروں پنڈ دا پیسہ 20کروڑ ڈالر توں ودھ تے ہک سال اچ 30کروڑ ڈالرتھی گئے جیندے اچ بیا ودھارا کیتا ونج سگدے۔ملک اچ پیدا تھیونڑ آلی پنڈ معیار، ذائقے اتے لذت دے حساب نال پوری دنیا اچ اعلیٰ اتے پسندیدہ سمجھی ویندی اے بھل ایندی پیکنگ اتے پروسیسنگ اچ بہتری دی لوڑھ اے۔
