حضرت خواجہ غلام فریدؒ دا عرس کوٹ مٹھن شریف اچ شروع

را جن پور۔24 دسمبر(اے پی پی ) برصغیر پاک و ہند دے ہفت کلیم سرائیکی صوفی شاعر حضرت خواجہ غلام فریدؒ دے 120ویں عرس مبارک دیاں تقریباں کوٹ مٹھن شریف اچ شروع تھی گین۔ عرس دے موقعے تے سیکورٹی اتے زائرین دے اٹھنڑ باھنڑ، زیارات اتے کھاونڑ پیونڑ دے بہترین انتظامات کیتے گن۔ایں سانگے عوام کون سوکھ ڈیونڑ کیتے محکمہ صحت،پولیس،ریسکیو 1122،سول ڈیفنس اتے سارے متعلقہ محکمےیاں دے کیمپ لاءڈتے گن۔عرس دیاں تقریباں ہر سال 5ربیع الثانی کوں مزار کوں غسل ڈیونڑ اتے چادر پوشی نال شروع تھیندن۔ عرس کیتے پورے ملک اتے دنیا بھر توں زئرین دی آمد دی تاند لگی ہوئی ہے۔