اسلام آباد ۔ 20 دسمبر (اے پی پی) رواں مالی سال دے پہلے چار مہیناں اچ چاول دی برآمدات اچ 32 فیصد اضافہ ریکارڈ کیتا گئے جیندی وجہ بین الاقوامی سطح تے چاول دی مانگ اچ ودھارا اے۔ چاول برآمد کرنڑ آلے اداریاں دی تنظیم رائس ایکسپورٹرز ایسوسی ایشن آف پاکستان موجب جولائی توں نومبر تئیں پاکستان اچ چاول دی برآمدات اچ 697 ملین ڈالر قیمتی زرمبادلہ حاصل کیتا گئے۔گذریل سال ایں عرصے اچ پاکستان چاول دی برآمدات توں 528.33 ملین ڈالر زرمبادلہ کمائے۔ بلحاظ حجم ایں عرصہ اچ برآمدی حجم اچ 16 فیصد ودھارا تھئے۔جولائی توں نومبر تئیں پاکستان اچ 1.45ملین ٹن چاول برآمدکیتا گئے‘پچھلے سال این عرصے اچ چاول دا برآمدی حجم 1.25ملین ٹن ریکارڈکیتا گیا ہئی۔ رائس ایکسپورٹرز ایسوسی ایشن آف پاکستان موجب گذریل سال توں ہنڑ تئیں ایسوسی ایشن‘ وزارت تجارت اتے ٹریڈ ڈویلپمنٹ اتھارٹی آف پاکستان چاول دی برآمدات کیتے نویں منڈی گولیندے پن تاں جو برآمدات ودھایاں ونج سگین۔
