اسلام آباد ۔ 08 دسمبر (اے پی پی) سیکرٹری خارجہ تہمینہ جنجوعہ آکھیا ہے جو سارک چارٹر دے مقصد کوں توڑ پجاونڑ کیتے سنجیدہ کوششاں دی لوڑ اے۔ سارک دا خطہ ودھ سارے قدرتی وسائل اتے افرادی قوت نال مالا مال ہے ،سانجھے رابطے تے سانجھیاں کوششاں دے ذریعے انہاں وسائل کوں خطے دی اقتصادی تے سماجی ترقی سانگے استعمال کیتا ونج سگدے۔اے گال انہاں دفتر خارجہ ولوں سارک چارٹر ڈے دے موقع تے تقریب نال خطاب اچ آکھی ۔ تقریب اچ سارک ملکاں دے سفیراں شرکت کیتی۔ سیکرٹری خارجہ آکھیے جو سارک ملکاں وچال مختلف شعبیں اچ تعاون دے ودھ موقع موجود ہن تاں جو انہاں کوں سانجھے رابطے نال خطے دی ترقی تے خوشحالی سانگے استعمال کرنڑ دی لوڑ اے ۔
