ریاض ۔ 20 دسمبر (اے پی پی)سعودی تریمت سارہ الرشود مرگی دی چار گنا ودھ موثر دوابنڑا گھدی اے۔سعودی ذرائع ابلاغ موجب کنگ سعود یونیورسٹی اچ معاون پروفیسر سارہ الرشود آکھیے جو ایں ویلھے سعودی مارکیٹ اچ مرگی دیاں جیہڑیاں دوائیں فارمیسیاں تے ملدن اے انہاں اچوں گھٹ خطرے آلی اتے انہاں تو چار گنا ودھ موثر وی اے۔ انہاں آکھیے جومرگی دے مریضاں کوں ایں بیماری توں کڈھنڑکیتے نویں دوا بنڑاونڑ انہاں دا خواب ہا جیندا 50 فیصد حصہ مکمل تھی گئے اتے مرگی دی نویں دوا دا فارمولا بنڑا گھدے۔دوا دی ایجاد دا اجازت نامہ مل چُکئے اتے ہنڑ ایں دوا دی تیاری دا عمل ٹورنڑے۔ سارہ الرشود کوں یورپی ایجادات دے ادارے وی اجازت نامہ جاری کرڈتے۔عالمی ادارہ صحت دے مطابق دنیا اچ 50ملین لوک مرگی دے مریض ہن۔سعودی عرب اچ مرگی دے مریضاں دی تعداد 177ہزاراے۔
