ریاض ۔ 18 دسمبر (اے پی پی) سعودی عرب اچ تریمیتں دے گاڈی چلاونڑ کیتے گھٹ توں گھٹ عمر دی حد مقرر کرڈتی گئی اے۔ سعودی ذرائع ابلاغ موجب سعودی عرب اچ ٹریفک پولیس انتظامیہ ولوں ہک بیان اچ آکھیا گئے جو مملکت اچ تریمتیں کیتے گاڑی اتے موٹر سائیکل چلاونڑ کیتے لائسنس دی مقررہ عمر 18سال جڈاں جو سروس وہیکل چلاونڑ کیتے گھٹ توں گھٹ عمر 20 سال اے۔ بھل ستارہاں سال دیاں چھوریں وی عارضی طور تے لائسنس گھن سگدن جیندی مدت ہک سال توں ودھ نہ ہوسی۔ ٹریفک پولیس اتے روڈ سکیورٹی انتظامیہ تریمیتں دے گاڈی چلاونڑ اتے لائسنس کیتے 40 توں ودھ سوالاں دے جواب جاری کیتن۔ ایں منصوبے تے ااندے سال جون توں عملدرآمد شروع تھیسی۔ سعودی فرماں روا شاہ سلمان 26 ستمبر 2017ءکوں جاری ہک فرمان اچ مملکت اچ تریمیتں کو گاڈی چلاونڑ دی اجازت اتے لائسنس ڈیونڑ داحکم ڈتا ہا۔
