اسلام آباد ۔ 21 دسمبر (اے پی پی)سپیکر قومی اسمبلی سردار ایاز صادق آکھیے جو پاکستان برادر اسلامی ملک اومان نال آپنڑے تعلقات کوں اہمیت ڈیندے، پاکستان سارے دوست ملکاں نال تعلقات کون پارلیمانی سطح تے مضبوط اتے مستحکم کرنڑ دی خواہش کریندے۔ اواسلام آباد اچ اومان دے سفیرالشیخ محمدعمر احمدالمرہون نال ملاقات کریندے پئے ہن۔ملاقات اچ ڈوطرفہ تعلقات اتے ہکو جھیں دلچسپی دے معاملیاں تے گالھ مہاڑ کیتی گئی۔سپیکر ایاز صادق آکھیے جو علاقائی ترقی سمیت دیگر اہم شعبیاں اچ پاکستان اومان نال تعاون کوں ودھاونڑ چاہندے۔ اومانی سفیر آکھیے جو او پاکستان نال سنگت اتے تعلاقات کوں ودھدا ڈیہدا پئے۔
