اسلام آباد ۔ 24 دسمبر (اے پی پی) چھی ملکی سپیکرز کانفرنس اچ آونڑ آلے روس دے چیئر مین اسٹیٹ ڈوما آف فیڈرل ا سمبلی آف ریشین فیڈریشن ولادون و یاچسلاف روسی پارلیمانی وفد نال اسلام آباد اچ سپیکر قومی اسمبلی سردار ایاز صادق نال ملاقات کیتی۔کانفرنس اچ آونڑ تے اسپیکر ایاز صادق روسی وفد دا شکریہ اداکیتے۔ انہاں روس نال پاکستان دے تعلقات اتے سنگت تے گالھ مہاڑ کریندے ہوئیں آکھیے جو پاکستان روس نال آپنڑے تعلقات کوں بیا مضبوط کرنڑ چاہندے۔ڈوہاں ملکاں دے پارلیمانی وفداں کو نیڑے آونڑ دی لوڑھ اے۔ انہاں آکھیے جو دہشتگردی خطے دی ترقی کیتے بہوں وڈا خطرہ اے جیکوں مکاونڑ کیتے سارے ملکاں کوں ہک مٹھ تھیونڑدی لوڑھ اے۔روسی چیئرمین سٹیٹ ڈوما آکھیے جو روس پاکستان نال اقتصادی ، دفاعی ، تجارتی اتے ہر شعبےاچ تعاون دا ی خواہش رکھدے،منشیات دی سمگلنگ روکنڑ کیتے خطے دے ملکاں کو رل تے ٹرنڑاں ہوسی۔
