اسلام آباد ۔ 4 دسمبر (اے پی پی) وفاقی وزیر ر قومی صحت سائرہ افضل تارڑ آکھیا ہے جو حکومت تریمت دی ترقی خاص طور تے صحت تے خصوصی توجہ ڈتی ویندی پئی ہے ،کوئی وی معاشرہ ایں وقت تئیں مستحکم اقتصادی ترقی دا ہدف حاصل نی کر سگدا جڈاں تئیں تریمتاں کوں اپنڑی صلاحیت استعمال کرنڑ دا موقع نہ ڈتا ویسی ۔اپنڑے ہک بیان اچ انہاں آکھیا جو تریمت دی معاشی تے اقتصادی ترقی سانگے رل تے کم کرنڑاں ہوسی ۔ عالمی ادارہ صحت دے اعداد و شمار دے مطابق ہک کروڑ 80 لکھ تریمتاں دنےا اچ غےر متعدی امراض دے نتےجے اچ موت دا شکار تھی ویندیاں ہن ،اے تعداد مرداں دے مقابلے اچ دوگنی ہے ۔انہاں آکھیا جو پاکستان اچ تریمت آبادی دا 51فیصد ہن جڈاں جو افرادی قوت اچ انہاں دا حصہ 22فیصد ہے انہاں آکھیا جو سیاسی عمل اچ تریمت دے کردار کوں ودھایا ویندا پے ۔پاکستان دی موجودہ پارلےمنٹ اچ 87 تریمتاں موجود ہن ۔گزریل الیکشن اچ تریمت ووٹراں دی تعداد اچ ودھارا ڈیکھنڑ اچ آیا ہے ۔انہاں آکھیا جو ہنڑیں ہی الیکشن دے قانون اچ ترمیم پاروں سیاسی جماعتاں کوں تریمتاں کوں 5فیصد ٹکٹ ڈیونڑ دا پابند بنڑایا گیا ہے ۔ سائرہ افضل تارڑآکھیا جو پاکستان اچ بے نظےر انکم سپورٹ پروگرام تریمتاںسانگے غربت دے خاتمے سانگے اہم کردار ادا کریندا پے ۔ایندے علاوہ پرائم منسٹر نےشنل ہےلتھ پروگرام اچ تریمتاں دی صحت تے توجہ ڈتی گی ہے ۔
