سی پیک نال پاکستان توانائی دے جن کوں بوتل ڈکھنڑ کیتے کامیاب تھی گے ،ملک توں دہشت گردی مکا ڈتی گئی ہے وفاقی وزیر منصوبہ بندی، ترقی، اصلاحات تے امور داخلہ احسن اقبال دا ایس ڈی پی آئی ولوں پائیدار ترقی کانفرنس نال خطاب

اسلام آباد ۔ 5 دسمبر (اے پی پی)وفاقی وزیر منصوبہ بندی، ترقی، اصلاحات تے امور داخلہ احسن اقبال آکھیا ہے جو نجی شعبہ کوں چین پاکستان اقتصادی راہدری دے تحت ترقی اچ تھکے لاونڑ، غیر ملکی سرمایہ کاراں کوں گھن آونڑ سانگے سانجھے منصوبے شروع کرنڑ سانگے اپنڑاں کردار اداکرنڑاں چاہیدے ،انہاں خیالاں داظہار انہاں منگل کوں اتھاں ایس ڈی پی آئی ولوں پائیدار ترقی کانفرنس توں خطاب کریندے ہوئیں کیتا ۔انہاں آکھیا جو تاجر براداری چین پاکستان اقتصادی راہداری دے تحت کاروباری موقع اچ سرمایہ کاری کرے۔ صنعتاں دے بنیادی ڈھانچیں اچ بہتری لاتی ونجے ویلیو ایڈڈ صنعت تے توجہ ڈتی ونجے جیں نال عالمی معیشت اچ مسابقتی تجارت کیتے پلیٹ فارم میسر آسی ۔ انہاں آکھیا جو ا ج دا پاکستان 2013دے پاکستان توں بہتر ہے، جڈاں معیشت زوال دا شکار تھی، مقامی صنعتاں تقریباً بند تھیاں تے روزانہ 18توں 20گھنٹے لوڈ شیڈنگ ہوندی ہئی ۔ انہاں آکھیا جو سی پیک نال پاکستان توانائی دے جن کوں بوتل اچ بند کرنڑ اچ کامیاب تھی گیا ہے جڈاں جو ٹرانسپورٹ انفراسٹرکچر اچ بہتری لاتی گئی ہے۔ ہنڑ اے مرحلہ پاکستان دے صنعتی تعاون اچ شامل ہوونڑ دا ہے۔ وفاقی وزیر آکھیا جوپاکستان معاشی ترقی دے رستے تے ٹر پیا ہے تے 2030تئیں اے 20 وڈیا ں معیشتاں اچ شامل تھی ویسی ۔ شرح نمو گزریل 10 سال دی اچی شرح 5.3 فیصد ہے۔