غزہ ؛ اسرائیلی فوجیاں دی فائرنگ،شہید ڈو فلسطینیاں دی نماز جنازہ ادا

غزہ ۔ 24 دسمبر (اے پی پی) غزہ اچ اسرائیلی سیکیورٹی فورسز دی فائرنگ پاروں شہید تھیونڑ آلے ڈو فلسطینی نینگراں دی نماز جنازہ ادا کرڈتی گئی اے۔ مقبوضہ بیت المقدس کوں اسرائیلی دارالحکومت تسلیم کرنڑ دے متنازعہ امریکی اعلان توں بعد غزہ ،مغربی کنارے ، نابلوس اتے بیت حنون دے علاقیاں اچ فلسطینی عوام دا احتجاج جاری اے ۔ فلسطینی عوام سراپا احتجاج ہین اتے فیصلے دی واپسی کیتے روزانہ دی بنیاد تے احتجاج اتے مظاہری کیتے ویندے پن۔ڈوجھے پاسو پر امن مظاہرین تے اسرائیلی فوجیاں دا بدترین تشدد جاری اے این سانگے فائرنگ پاروں ڈو فلسطینی شہید تھی گئے ہن۔