اسلام آباد ۔25 دسمبر (اے پی پی) بانی پاکستان قائد اعظم محمد علی جناح دا جمنڑ ڈینہہ اج وڈے جوش اتے جذبے نال منایا ویندا پئے، ایں موقع تے پورے ملک اچ عام چھٹی اے۔وزارت اطلاعات اے سال قائداعظم دے جمنڑ ڈینہہ کوں ہمارا قائددے عنوان نال مناونڑ دا فیصلہ کیتا ہاایں سانگے خصوصی تقریباں دا وی اہتمام کیتاویندا پئے۔ٹی وی ، ریڈیو اتے اخباراں تے خصوصی پروگرام اتے ضمیمے شائع کیتن۔تعلیمی اداریاں اچ وی خصوصی تقریباں، سیمینار،مذاکرائے، نمائشاں اتے شومنعقدکیتے ویندے پن۔ڈینہہ دا آغاز مزار قائد تے قرآن خوانی نال کیتا گئے جڈاں جو مزار قائد تے گارڈ دی تبدیلی کیتے روایتی تقریب وی تھئی۔اہم سرکاری عمارتاں تے قومی پرچم سر بلند ہین۔ قائد اعظم محمد علی جناح ؒ اپنڑی سیاسی اتے جمہوری جدوجہد نال برصغیر دے مسلماناں کیتے ہک انجھ وطن دا خواب شرمندہ تعبیر کیتے۔انہاں دیاں خدمتاں کوں پورے ملک ہی نئیں دنیا دے ہر جمہوری معاشرے اچ قدر دی اکھ نال ڈٹھا ویندے۔
