مسلح افواج دا بابائے قوم قائداعظم محمد علی جناحؒ کوں خراج عقیدت

راولپنڈی ۔ 25 دسمبر (اے پی پی) پاکستان دیاں مسلح افواج بابائے قوم قائداعظم محمد علی جناحؒدے 142ویں جمنڑ ڈینہہ تے بانی پاکستان قائداعظم کوں خراج عقیدت پیش کیتے۔ پاک فوج کے شعبہ تعلقات عامہ (آئی ایس پی آر)دے ڈائریکٹر جنرل میجر جنرل آصف غفور ٹویٹر پیغام موجب چیف آف آرمی سٹاف جنرل قمر جاوید باجوہ آکھیے جو قائداعظم دی انسانی اقدار، سماجی انصاف اتے مساوات دا نقطہ نظر قیام پاکستان دی بنیاد بنڑیے اتے انہاں دی سوچ تے عمل کرتے اساں پاکستان کوں محفوظ اتے مضبوط بنڑا سگدے ہیں۔ ایں توں پہلے آئی ایس پی آر بابائے قوم کوں خراج عقیدت پیش کرنڑ کیتے ہک سوہنڑاں ملی نغمہ وی جا ری کیتے جیکوں ساحر علی گائے اتے ایندی کمپوزنگ رفیق اختر کیتی اے۔ملی نغمے اچ قومی شاعر ڈاکٹر علامہ اقبال دے نظریہ پاکستان اتے قیام پاکستان کیتے قوم دی انتھک محنت کوں تصویراں دے ذریعے ڈکھایا گئے۔گانے اچ قائداعظم محمد علی جناحؒدی ثابت قدمی اتے جدوجہد بارے وی ڈسایا گئے۔نغمے اچ قومی ہیروز ارفع کریم، طاہرہ قاضی، عبدالستار ایدھی، جاوید میاں داد، جہانگیر خان اتے معین خان دیاں تصویراں وی شامل کیتان گن۔