نیول چیف ایڈمرل ظفر محمود عباسی دی کمانڈر ترکش فلیٹ اتے کمانڈر آف ترکش نادرن ایریا نال انج انج ملاقاتاں
آپسی دلچسپی دے پیشہ وارانہ معاملیاں سمیت بحری سانجھے داری اتے بحرِ ہند اچ سکیورٹی دی صورتحال تے گالھ مہاڑ کیتی گئی
اسلام آباد ۔ 12 دسمبر (اے پی پی) پاک بحریہ دے سربراہ ایڈمرل ظفر محمود عباسی ’ کمانڈر ترکش فلیٹ، وائس ایڈمرل اِرکیومنٹ ٹیٹلی اوگلو اتے کمانڈر آف ترکش نادرن ایریا ریئر ایڈمرل (یو ایچ) اسکندر یلدرم نال انج انج ملاقات کیتی۔ پاک بحریہ دے سربراہ کوں ترکش فلیٹ کمانڈ بارے تفصیلی بریفنگ وی ڈتی گئی،‘ گولکیک نیول شپ یارڈ اتے ترکش نیوی دے جہاز ہیبیلیادادورہ وی کیتا۔ترجمان پاک بحریہ دے مطابق پاک بحریہ دے سربراہ ایڈمرل ظفر محمود عباسی ترکی دے سرکاری دورے تے ہن ۔ترکش فلیٹ ہیڈ کوارٹرز گولکک بیس پجنڑ تے کمانڈر ترکش فلیٹ ایڈمرل محمود ظفر عباسی دا استقبال کیتا۔ایں موقع تے پاک بحریہ دے سربراہ کوں اعزازی سلامی پیش کیتی گئی۔ ایڈمرل ظفر محمود عباسی خطے اچ میری ٹائم امن تے استحکام کوں یقینی بنڑاونڑ بارے ترکش نیوی دے کردار اتے خدمت دی تعریف کیتی۔ ایڈمرل ظفر محمود عباسی گولکیک نیول شپ یارڈ اتے ترکش نیوی دے جہاز ہیبیلیادادورہ کیتا۔ملاقات اچ آپسی دلچسپی دے پیشہ وارانہ معاملیاں سمیت بحری سانجھے داری اتے بحرِ ہند اچ سکیورٹی دی صورتحال تے گالھ مہاڑ کیتی گئی۔
