وزیراعظم بی آئی ایس پی کیتے انڈوومنٹ فنڈ دے قیام دی منظوری ڈے ڈتی

اسلام آباد ۔ 08 دسمبر (اے پی پی) وزیراعظم شاہد خاقان عباسی بے نظیر انکم سپورٹ پروگرام (بی آئی ایس پی) کوں ہدایت کیتی ہے جو پروگرام دے تحت نقد رقماں گھننڑ آلیں کوں اپنڑاں روزگار کماونڑ دے قابل بنڑاونڑ سانگے جامع گریجویشن حکمت عملی وضع کیتی ونجے جڈاں جو بی آئی ایس پی کیتے انڈو منٹ فنڈ دے قیام دی تجویز دی وی منظوری ڈتی ۔انہاں اے گالھ جمعے کوں وزیراعظم آفس اچ بے نظیر انکم سپورٹ پروگرام دے اجلاس اچ صدارت کریندے ہوئیں آکھی ۔اجلاس اچ بی آئی ایس پی دی چیئرپرسن ماروی میمن، وزیراعظم دے سیکرٹری فواد حسن فواد، سیکریٹری بی آئی ایس پی عمر حامد خان اتے بئے سینئر حکام موجود ہن۔ وزیراعظم کوں بی آئی ایس پی دے تحت نقد رقماں دی منتقلی اتے وسیلہ تعلیم پروگرام سمیت مختلف اقدامات بارے اچ ڈسایا گیا تے اے وی ڈسایا گیا جو نقد رقماں پروگرام نال 56 لکھ خاندان جڈاں جو وسیلہ ءتعلیم پروگرام نال 18 لکھ بالاں کوں فائدہ تھیا ہے ۔ وزیراعظم کوں ڈسایا گیا جو اے ڈی بی، عالمی بینک اتے ڈی ایف آئی ڈی سمیت بین الاقوامی برادری، امدادی تے ترقیاتی اداریں غربت مکاونڑ اتے غریب لوکاں دی مدد کیتے پروگرام تے اطمینان دا اظہار کیتا ۔ وزیراعظم بی آئی ایس پی کیتے انڈوومنٹ فنڈ دے قیام دی منظوری ڈتی جیں نال نازک میزانیاتی ویلھے اچ مالیاتی تسلسل کو ںیقینی بنڑاونڑ اچ مدد ملسی تے اے فنڈز سٹرکچر بارے مختلف ترقی دے منصوبیں اچ مدد گار ثابت تھیسی ۔