وزیراعظم شاہد خاقان عباسی دا شنگھائی تعاون تنظیم دے سربراہان حکومت دے کونسل دے اجلاس نال خطاب

سوچی ۔ یکم دسمبر (اے پی پی) وزیراعظم شاہد خاقان عباسی آکھیا ہے جو شنگھائی تعاون تنظیم امن، استحکام، باہمی رابطیاں اتے پائیدار ترقی سانگے کم کر یندی پئی ہے۔جیندی مکمل رکنیت پاکستان کیتے وڈے اعزاز دی گالھ ہے۔ شنگھائی تعاون تنظیم دے سربراہان حکومت دی کونسل دے اجلاس نال خطاب کریندے ہوئیں انہاں آکھیا جو ایس سی او ہک ایجھی تنظیم ہے جیرھی جوآپس وچ رابطیاں، تجارت، توانائی اتے اقتصادی ترقی دے حوالے نال کم کرنڑ دی وڈی استعداد دی حامل ہے۔ انہاں آکھیا جوا یہ تنظیم پورے خطے دی ترقی اتے خوشحالی سانگے معاون ثابت تھی سگدی ہے اتے پاکستان تنظیم کو ںہور زیادہ فعال بناونڑ وچ اپنڑاں کردار ادا کریسی۔ وزیراعظم شاہد خاقان عباسی آکھیا جو پاکستان دی صارف مارکیٹ دا حجم 20 کروڑ توں ودھ بندیاں تے مشتمل ہے جتھاںوسیع کاروباری مواقع اتے جدید ترین بنیادی ڈھانچے دیاں سہولتاں وی دستیاب ہن۔ انہاں آکھیا جو پاکستان ایس سی او دے رکن دے طور تے آپس وچ رابطیاں تے تعاون دے فروغ سانگے اپنڑاں کردار ادا کریندا راہسی۔ انہاں آکھیا جو پاکستان ہک پرانڑیںتریخ تے ثقافت دا حامل ملک ہے، جیندے ایس سی او دے رکن ممالک دے نال قریبی تعلقات ہن۔ انہاں آکھیا جو تجارت اتے اقتصادی تعاون خطے وچ دیرپا استحکام، ترقی تے خوشحالی وچ معاون ثابت تھی سگدے اتے چین پاکستان اقتصادی راہداری منصوبہ (سی پیک) جیرھا جوہک پٹی ہک روڈ دے نظریے تے مشتمل ہے اتے ایندے نال ایس سی او وچال آپس وچ راابطیاں دے فروغ تے اقتصادی تعاون دے نظریے کوں پوراکرنڑ وچ مدد گھدی ونج جا سگدی ہے۔ وزیراعظم شاہد خاقان عباسی اپنڑے خطاب وچ آکھیا جو سی پیک دے ذریعے ایس سی او دیاں 6 وڈیاں تجارتی راہداریاں کوں ہک بئے نال جوڑن وچ مدد ملسی۔ جیندے نال نہ صرف زمینی بلکہ سمندری رابطیاں کوںوی فروغ نال یورپ، مشرق وسطیٰ اتے چین سمیت جنوبی ایشیاءدے ملکاں دے تجارتی رابطیاں کوں فروغ ملسی۔انہاں آکھیاجو بین الاقوامی تناظر وچ کاروباری ترجیحات بدلدیاں پن اتے ایس سی او بین الاقوامی سطح تے نویں رجحان متعارف کرویندی پئی ہے۔ انہاں آکھیا جو چین ایس سی او دے پلیٹ فارم توں رکن ملکاں سمیت خطے دے بئے ملکاں نال یاری اتے تعاون دے فروغ دے حوالے نال رہنما اصول متعارف کرویندا پئے ۔جیندے نال اساڈے آپس وچ اعتماد، فائدے، مساوات، ثقافتی تنوع اتے سانجھے ترقی دے ویژن کوں فروغ ڈیونڑ وچ مدد ملسی۔ انہاں آکھیا جو جوپاکستان کوں دہشتگردی اتے انتہاءپسندی جئیاں مشکلات دا سامنراںہے جیرھی جو علاقائی اتے عالمی اقتصادی ترقی دی راہ وچ آونڑ آلی وڈی رکاوٹ ہے۔ وزیراعظم آکھیا جو اساںہزاراں قربانیاں ڈتیاں ہن جیندے وچ 6500 فوجی اتے قنون نافذ کرنڑ آلے اداریاں دے اہلکاراں دیاںقربانیاں شامل ہن۔ انہاں آکھیا جواساڈی معیشت کوں دہشتگردی دی وجہ نال 120 ارب ڈالر توں ودھ دا نقصان برداشت کرنڑ پیا جیرھی دہشتگردی تے انتہاءپسندی کومکاونڑ دے حوالے نال پاکستان دیاں کوششاں دی عکاسی ہے۔ وزیراعظم آکھیا جو دہشتگردی کہیں خطے، ملک یا قوم دا کلھے دا مسئلہ کائنی بلکہ ایہ ہک بین الاقوامی مسئلہ بنڑ گئے۔انہاں آکھیا جو پاکستان افغانستان وچ امن، استحکام اتے ترقی دا خواہشمند ہے اتے اساںایں سانگے ایس سی او دے پلیٹ فارم توں افغان کنٹیکٹ گروپ دے ذریعے مشاورت اتے تعاون دے عمل کوں ودھیسوں۔ ایس سی او دے پلیٹ فارم توں کیتیاں ونجڑ آلیاں کوششاں وچ تعاون تے خوشی محسوس کریسوں۔ اپنڑے خطاب دے چھیکڑ وچ وزیراعظم شاہد خاقان عباسی مستقبل وچ ایس سی او دے تعاون کوں ودھاونڑاتے پکا کرنڑ دی اہمیت تے زور ڈیندے ہوئیں آکھیا جو اساکوںعلاقائی بنیادی ڈھانچے دی ترقی اتے چنگے مواصلاتی رابطیاں دے فروغ تے خصوصی توجہ ڈیونڑ پوسی،جیندے وچ سڑکاں، موٹرویز، بحری اتے آئی ٹی دے شعبیں وچ رابطے شامل ہن۔ انہاں آکھیا جو عالمی ادارہ تجارت دے وژن دے مطابق اقتصادی، تجارتی، خدمات اتے ٹیکنالوجی دے مربوط رابطیاں دے فروغ نال مختلف ملکاں وچال تجارتی رابطیاں دے فروغ وی اساں ساریاں عزم ہونڑ چاہیدے۔ انہاں آکھیا جو تجارتی سہولتاں دے حوالے نال قنون وچ آسانی نال، تجارتی سامان ہک جا ءتوں بئی جا گھن ونجڑ، ٹیکس دیاں پالیسیاں، کسٹم دے قنون اتے ٹیرف تے نان ٹیرف دے مسئلے مکاونڑ نال اساں چھوٹے تے وڈے درجے دے کاروباری اداریاںدے شعبے اتے ای کامرس کوں فروغ ڈے سگدوں۔وزیراعظم آکھیا جو ایس سی او ڈویلپمنٹ بینک دے وختی بنڑن اتے فنڈ دے اجراءسمیت اے آئی آئی بی اتے بئے مالیاتی اداریاں دی شرکت کوں ودھاونڑ دی ضرورت ہے۔ انہاں آکھیا جو پارلیمان دے ارکاناں، قنون تے انصاف دیاں وزارتاں، سپریم کورٹ اتے اٹارنی جنرلاں دے آپس وچ مذاکرات دے ذریعے انصاف دے نظام کوں ہور چنگا بنڑایا ونج جا سگدے۔ انہاں آکھیا جو صحت، سیاحت، تعلیم، کھیڈاں، ثقافت، لوکیں دے آپس وچ رابطیاں اتے ویزیاں دیاں سہولتاں دیاں آسانیاں تے وی اساکوں ودھ توں ودھ سرمایہ کاری کرنڑ پوسی۔ انہاں آکھیا جو اج اساکوںںایس سی او دے پلیٹ فارم توں ہک تریخی موقع ملیا ہے ۔جیندے نال اساںآپس وچ رابطیاں کوں ودھا سگدوں ستے آونڑ آلیاں دہائیاں وچ ایس سی او ہک وڈی عالمی جیو پولیٹیکل اتے جیو اکنامک قوت دے طور تے سامنڑے آوسی ۔انہاںچین کوں ایس سی او دی چیئرمین شپ سانبھنڑ تے مبارخ ڈیندے ہوئیں آکھیا جو اساں ایس سی او دیاںکامیابیاں دے خواہشمند ہسے اتے ایندیاں کوششاں وچ ہر طرح دے تعاون دا یقین ڈیندوں۔ انہاں آکھیا جوچین ایس سی او وچ چنگا کردارادا کیتا ہے۔ انہاں 2018ءدے آئندہ دے حکومتی سربراہواں دے اجلاس سانگے تاجکستان دی میزبانی کو ںچنگاقرار ڈتا۔ وزیراعظم بھارت کو ں وی شنگھائی تعاون تنظیم دا رکن بنڑن تے مبارخباد ڈتی۔