فیصل آباد۔ 20 دسمبر (اے پی پی) وزیراعظم شاہد خاقان عباسی ترقی سانگے جمہوری نظام کوں بہترین جمہوری نظام کوں بہترین آپشن قرارڈیندیں ہوئیں آکھیا جو اجوکی حکومت آپنڑی مدت پوری کریسی،انتخابات آپنڑے ویلھے تے تھیسن اتے عوام فیصلہ کریسن،مختلف شعبیاں اچ غیر ملکی سرمایہ کاری حکومت دی چنگی پالیسیاں تے اعتماد پاروں اے،حکومت سرمایہ کاراں کوں ہرممکن سہولت ڈیندی پئی اے،حکومت دی چنگی پالیسیاں دے نتیجے سامنڑے آونڑ شروع تھی گئن۔انہاں اے گالھ بدھ کوں اتھاں ہنڈائی کار پلانٹ دے منڈھ بدھنڑ دی تقریب توں خطاب کریندیں ہوئیں آکھی۔ایں موقع تے وزیر تجارت پرویز ملک، وزراءمملکت عابد شیر علی، طلال چوہدری، ارکان پارلیمان، ممتاز صنعت کار اتے کاروباری شخصیات وی موجود ہن ۔انہاں آکھیا جو پاکستان اچ نجکاری دی پالیسی خاصی کامیاب رہی اے،حکومت دا کم کاروبار کرنڑ نی ،ایں بارے سابق وزیراعظم نواز شریف ملک اچ نجکاری دا عمل شروع کیتے،اج ہر کوئی ایں دی گالھ کریندا پئے ۔
