اسلام آباد ۔ 12 دسمبر (اے پی پی) وزیراعظم شاہد خاقان عباسی شمالی وزیرستان اچ پاک فوج دی گاڈی تے تھیونڑ آلے دہشت گرد حملے دی پرزور مذمت کیتی اے، جیندے اچ سیکنڈ لیفٹیننٹ عبدالمعید اتے سپاہی بشارت شہید تھی گئے۔ وزیراعظم شہید تھیونڑ آلے جواناں دے خانداناں نال افسوس دا اظہار کریندے ہوئیں شہیداں دے چنگے درجات سانگے دعا وی کیتی۔ وزیراعظم آکھے جودہشت گردی دے خلاف جنگ اچ قیمتی انسانی جاناں دی لازوال قربانیاں ہمیشہ یاد رکھیاں ویسن۔انہاں آکھے جواساڈی قومی تریخ اہم جزو دی حیثیت رکھیندی اے، جنہاں وطن دی خاطر اپنڑے قیمتی اثاثے قربان کیتے ۔ انہاں آکھے جو ہک قوم ہونڑ دی حیثیت نال اساں اپنڑے ملک دے دشمناں خلاف جنگ اچ غیرت مندمسلح فوج دیاں خدمتاںتے قربانیاں کوں کڈاہیں کائناں بھلا سگسوں۔ وزیراعظم ایں گالھ تے زور ڈتے جو اللہ سائیں دے فضل تے کرم نال پورے ملک وچوں دہشت گرداں دے نیٹ ورک دی ریڑھ دی ہڈی تروڑ تے پاکستان دہشت گرداں کوں ہرا ڈتے۔ انہاں آکھے جواساں دہشتگردی دے خلاف ایہ جنگ جیتی ہے اتے انشاءاللہ وختی راہندے ساہندے دہشتگرداں کوں منڈھوں مکا ڈیسوں۔
