اسلام آباد ۔ یکم دسمبر (اے پی پی) وفاقی وزیر داخلہ احسن اقبال پشاور وچ زرعی ڈائریکٹوریٹ تے حملے دی مذمت کریندے ہوئیں آکھیا ہے جو سکیورٹی فورسز وختی کارروائی کرتے وڈے جانی تے مالی نقصان توں بچا گھدے ۔جمعہ کوں اپنڑے مذمتی پیغام وچ وزیر داخلہ شہید اتے زخمی تھیونڑ آلیاں نال یکجہتی دا اظہارکریندے ہوئیں آکھیا جو دہشت گرداں دا اسلام نال کوئی تعلق کائنی ہے،دہشتگرد ملک وچ انتشار تے بد امنی چاہندن۔ انہاں آکھیادہشت گرداں دے گھندے ارادیاں کوں مٹی وچ ملاونڑ سانگے پوری قوم ہک مٹھ ہے۔
