اسلام آباد ۔ یکم دسمبر (اے پی پی) وزیر مملکت اطلاعات تے نشریات مریم اورنگزیب پشاور وچ زرعی ڈائریکٹوریٹ تے دہشت گرد ی دے حملے دی شدید مذمت کریندے ہوئیں آکھیا ہے جو طلباءکوں نشانہ بناونڑ آلے اساڈی نوجوان نسل کوں خوفزدہ کرنڑ چاہندن ۔دہشت گرد اے گالھ پلے بدھ گھنڑجو انہاں کوں انہاں دے مذموم اتے مکروہ عزائم وچ کامیاب کائناں تھیونڑ ڈیسوں۔جمعہ کوں اتھاں جاری بیان وچ وزیر مملکت آکھیا جوپوری قوم دہشت گردی دے خلاف ہک مٹھ ہے اتے ایں ناسور کوں منڈھوں مکاونڑ سانگے پرعزم ہے۔ انہاں آکھیا جو پاکستان دی مسلح افواج، پولیس اتے قنون نافذ کرنڑ آلے اداریاں کوں خراجِ تحسین پیش کریندوں ،جنہاں جرات اتے بہادری دا مظاہرہ کریندے ہوئیں دہشت گرداں کوں ہلاک کیتا تے یرغمال بندیاں کوں چھڑوایا۔ وزیر مملکت قیمتی انسانی جاناں دے ضیاع تے گھاٹے ڈکھ تے غم دا اظہار کیتا ۔ انہاں متاثرہ خانداناں نال دلی ہمدردی ،شہداءدے درجات دی بلندی اتے زخمیاں دی وختی صحت یابی دسانگے دعا وی کیتی۔
