وزیر مملکت برائے اطلاعات تے نشریات اتے قومی ورثہ مریم اورنگزیب دی احتساب عدالت دے باہر میڈیا نال گالھ مہاڑ

اسلام آباد۔ 4 دسمبر (اے پی پی) وزیر مملکت برائے اطلاعات تے نشریات اتے قومی ورثہ مریم اورنگزیب آکھیا جو ہک پاسے مسلم لیگ(ن) اتے محمد نواز شریف دے وطن توں اندھارے مٹاونڑ دے وعدے پورے کریندی پئی اے اتے ڈوجھے پاسے پارلیمنٹ اتے اداریاں کوں مندے کڈھنڑ آلا بندہ ہنڑ وی کنٹینر تے کھڑے اتے اوہا زبان بولیندا پئے ۔سنوار کوں احتساب عدالت دے باہر میڈیا نال گالھ مہاڑکریندیں ہوئیں انہاں آکھیا جو سابق وزیر اعظم محمد نواز شریف اتے مسلم لیگ (ن) ملک توں اندھارے مٹاونڑ دا وعدہ کیتا ہئی اتے تساں سنڑےے جو کل زیرولوڈشیڈنگ دا اعلان کر ڈتا گئے اتے اے وعدہ پورا تھی گئے ،جتنی پاور جنریشن مسلم لیگ ن دے دور اچ تھی اے اوندے تریخ اچ مثال نی ملدی۔انہاں آکھیا جو چار سالیں اچ ملک اچ بجلی دی پیداوار اچ 7465میگاواٹ اچ ودھارا تھےے۔