وفاقی وزیر بجلی ڈویژن بجلی معاملیاں اچ مدد سانگے چاریں صوبائی وزرائے اعلیٰ کوں خط بھیج ڈتے

بجلی دے بلاں دی وصولی اتے بجلی چوری روکنڑ اچ تعاون کیتا ونجے،سردار اویس احمد خان لغاری
وزرائے اعلیٰ کوں ہکو جیہے اقدامات،معلومات دے تبادلے اتے چنگے رابطے سانگے ٹاسک فورس بنڑاونڑ دی وی تجویز ڈے ڈتی
اسلام آباد ۔ 6 دسمبر (اے پی پی) وفاقی وزیر بجلی ڈویژن سردار اویس احمد خان لغاری بجلی معاملیاں اچ مدد سانگے چاریں صوبائی وزرائے اعلیٰ کوں خط بھیج ڈتے۔بدھ کوں وزارت توانائی بجلی ڈویژن دے ترجمان دے مطابق وفاقی وزیر ولوں چاتے ونجنڑ آلے ایں اقدام دا مقصد ودھ توں ودھ علاقیاں توں لوڈشیڈنگ داخاتمہ اے۔وفاقی وزیر وزرائے اعلیٰ کوں ہکو جیہے اقدامات،معلومات دے تبادلے اتے چنگے رابطے سانگے ٹاسک فورس بنڑاونڑ دی وی تجویز ڈے ڈتی اےانہاں آکھیا جو بجلی دے بلاں دی وصولی اتے بجلی چوری روکنڑ اچ تعاون کیتا ونجے۔