وفاقی وزیر داخلہ پروفیسر احسن اقبال دی کوئٹہ اچ پاسپورٹ ایگزیکٹو آفس دی افتتاحی تقریب دے موقع تے میڈیا نال گالھ مہاڑ

کوئٹہ۔ 28 دسمبر (اے پی پی) وفاقی وزیر داخلہ پروفیسر احسن اقبال آکھیا جو پاکستان دے شہریاں کوں پاسپورٹ دے سوکھے حصول سانگے جدید سہولتاں متعارف کروائی ویندی پئین ،کوئٹہ اچ عالمی معیار دا پاسپورٹ ایگزیکٹو آفس بنڑا ڈتا گئے جئیں اچ روز 160پاسپورٹ بنڑائے ویسن ۔ایں دفتر اچ تریمتیں سانگے انج کاﺅنٹر بنڑایا گئے ۔اے گالھیں انہاں خمیس کوں کوئٹہ اچ پاسپورٹ ایگزیکٹو آفس دی افتتاحی تقریب دے موقع تے میڈیا نال گالھ مہاڑ کریندیں ہوئیں آکھی۔انہاں آکھیا جو اج معاشی ترقی دے مقابلے دا دور اے،بھارت نال اساڈا معاشی مقابلہ اے ،معیشت مضبوط تھیسی تاں ملک ترقی کریسی۔